Կրունկների շպոր կամ պլանտար ֆասցիիտ. nairimed.com

Առավոտյան ցավը կրունկում` արդեն շպորի առաջին ախտանշանն է: Երբեմն ցավը նշում են կրունկի ներսում` որպես ասեղի առկայության զգացողություն: Սկզբում դա արտահայտվում է, երբ բուժառուն առավոտյան ոտքի է կանգնում: Օրվա ընթացքում ցավը մեղմանում է, հետո կրկին վերադառնում:

Շպորների ռիսկի գործոնները.

• տարիքը` 40-60 տարեկան,
• մասնագիտությունը՝ բալետի պարողներ, պրոֆեսիոնալ սպորտսմեններ, երկարատև կանգնած աշխատանք
• հարթաթաթությունը,
• քաշի ավելցուկը և ճարպակալումը, երբ հատկապես՝ քաշի նվազման համար զբաղվում են վազքով, մինչդեռ վազքը պետք է սկսել քաշի որոշակի նվազումից հետո:

Կրունկի ցավը երկար ժամանակ անուշադրության մատնելու արդյունքում այն կարող է դառնալ քրոնիկ, կարող է փոխվել քայլվածքը, որպես հետևանք` կարող են առաջանալ նաև խնդիրներ սրունք-թաթային, ծնկան հոդերում և ողնաշարում:

Բուժման մեթոդները.

• անատոմիական առանձնահատկություններին համապատասխան` անհատական պատվիրված ներդիրների օգտագործում,
• տափակ կոշիկներ կրելու բացառում,
• հարվածա-ալիքային թերապիա,
• որոշ դեպքերում` դեղորայքային բուժում կամ հատուկ վարժություններ:

Հարցեր, պատասխաններ, մեկնաբանություններ